વડોદરા: પ્રતિષ્ઠાનો જંગ બની ગયેલી એમ.એસ. યુનિવર્સિટીની વિદ્યાર્થી સંઘની આજે યોજાયેલી રસાકસીભરી ચૂંટણીમાં યુનિવર્સિટી જી.એસ. પદે એન.એસ.યુ.આઇ.ના ઉમેદવાર વ્રજ પટેલ અને વી.પી. પદે વી.વી.એસ.-જય હો ગૃપના ઉમેદવાર સલોની મિશ્રાનો ભવ્ય વિજય થયો છે. વિદ્યાર્થી સંઘની ચૂંટણીમાં એ.બી.વી.પી.નો કારમો પરાજય થતા સમર્થકોમાં સન્નાટો છવાઇ ગયો હતો.
યુનિ. કેમ્પસ વિજયના નારા અને વિજય સરઘસોથી ગુંજી ઉઠ્યું
એમ.એસ. યુનિવર્સિટી વિદ્યાર્થી સંઘની આજે યોજાયેલી ચૂંટણીમાં 39.96 ટકા મતદાન થયું હતું. બપોરે 2 વાગે મતદાન પૂરું થયા બાદ મતગણતરી શરૂ કરવામાં આવી હતી. બે કલાકની ગણતરી બાદ પરિણામો આવવાની શરૂઆત થતાં જ યુનિ. કેમ્પસ વિજયના નારા અને વિજય સરઘસોથી ગુંજી ઉઠ્યું હતું. મોડી સાંજે જાહેર થયેલા પરિણામમાં યુ.જી.એસ. તરીકે ચૂંટાઇ આવેલા વ્રજ પટેલ અને વી.પી. તરીકે ચૂંટાઇ આવેલ સલોની મિશ્રાના તેમના સમર્થકો દ્વારા કેમ્પસમાં ભવ્ય વિજય સરઘસ કાઢવામાં આવ્યા હતા…
