મળતી માહિતી અનુસાર આજરોજ સાંજના સમયે અંકલેશ્વર નેશનલ હાઇવે નં. 48 ઉપર દાહોદ પોલીસ દ્વારા પોલીસ વેનમાં લૂંટના આરોપીને સુરત લઈ જવામાં આવતો હતો તે દરમિયાન હાઇવે ઉપર હોટલ નવજીવન પાસે પોલીસ વેન નં. GJ 20 A 1068 અને GJ 05 BW 4195 નંબરની ઓટોરિક્ષા વચ્ચે અકસ્માત સર્જાયો હતો. અકસ્માતના પગલે રિક્ષામાં સવાર બે લોકોને નાની મોટી ઈજાઓ પહોંચી હતી. તેમજ પોલીસ અધિકારીઓને પણ સામાન્ય ઈજાઓ પહોંચવા પામી હતી. સમગ્ર ઘટનાની જાણ અંકલેશ્વર તાલુકા પોલીસને થતાની સાથે જ પોલીસ કાફલો ઘટના સ્થળે દોડી આવ્યો હતો.
આમ જોવા જઈએ તો હોટલ નવજીવન અકસ્માતોના વણઝારનું કેન્દ્ર બની રહ્યું છે ત્યારે ટ્રાફિક પોલીસ દ્વારા ટ્રાફિક પોઇન્ટ હળવો રાખવામાં આવે તેવી લોકમાંગ ઉઠી છે.
Advertisement
