વિનોદભાઇ પટેલ
પ્રાપ્ત માહિતી અનુસાર અંકલેશ્વર રૂરલ વિસ્તારની હદમાં આવેલ કરોડ ગામની સીમમાં એક અજાણ્યા યુવાનની લાશ મળી આવતા ચકચાર મચી જવા પામી હતી. ઘટનાની જાણ થતા જ અંકલેશ્વર રૂલર પોલીસ ઘટના સ્થળે પહોંચી યુવાનની ડેડબોડીનો કબજો લઇ અંકલેશ્વર ખાતે સરકારી હોસ્પિટલમાં યુવાનની ડેડબોડીને પોસ્ટમોર્ટમ અર્થે ખસેડવામાં આવી હતી. પોલીસના જણાવ્યા મુજબ આ યુવાનનું નામ શૈલેષકુમાર ભીખાભાઈ હોય એવું જાણવા મળ્યું હતું તેમજ યુવાનની ઉંમર આશરે 28 થી 30 ની વચ્ચે હોય તથા યુવાન રાજપીપળા નો હોય તેવું જાણવા મળ્યું હતું.હાલ આ યુવાન કયા કારણોસર મૃત્યુ પામેલ છે તેની તપાસ કરવામાં આવી રહી છે.હાલ આ યુવાનના વાલી-વારસદારોને પોલીસ દ્વારા જાણ કરવામાં આવતા વારસદારો ઘટનાસ્થળે આવી ડેડબોડીનો કબજો મેળવ્યો હતો.
Advertisement
