દિનેશભાઇ અડવાણી
વિરમગામની શેઠ એમ.જે.હાઈસ્કૂલ પ્રાથમિક વિભાગમાં બેંક ઓફ બરોડા દ્વારા તેની સ્થાપનાના 112 વર્ષની ઉજવણીના ભાગરૂપે બાલમંદિર તેમજ ધોરણ-1 તથા 2 ના બાળકોને લંચ બોક્સ, બિસ્કિટ પેકેટ, તેમજ ચોકલેટ આપી પ્રોત્સાહિત કરવામાં આવ્યા હતા. આ પ્રસંગે બેંક મેનેજર નિલયભાઈ તેમજ બેન્ક સ્ટાફ ઉપસ્થિત રહ્યા હતા. શાળા તરફથી પ્રિન્સીપાલ ભરતસિંહ સોલંકી તેમજ અન્ય સ્ટાફ ઉપસ્થિત રહ્યા હતા. આ પ્રસંગે ભરતસિંહ સોલંકીએ બેન્ક મેનેજર નિલયભાઈને ‘વિદ્યાદાન એ જ સાચું દાન’ નો મહિમા સમજાવી તેમનો આભાર વ્યક્ત કર્યો હતો.કાર્યક્રમને સફળ બનાવવા માટે શાળાના ક્લાર્ક ચંદ્રેશભાઈ વ્યાસ દ્વારા ભારે જહેમત ઉઠાવવામાં આવી હતી.
Advertisement
