ભરૂચના એક સામાજિક કાર્યકર સુહેલ પટેલે આજરોજ ભરૂચના ક્લેક્ટરશ્રીને આવેદનપત્ર પાઠવીને ભરૂચની બાયપાસ ચોકડીથી દેરોલ સુધીના માર્ગને ફોરલેન બનાવી અને રોડ પર લાઇટની વ્યવસ્થા કરવામાં આવે તેવી માંગણી કરી છે.
આવેદનપત્રમાં જણાવ્યા અનુસાર બાયપાસ ચોકડીથી કંથારીયા થઈ જંબુસર જતાં માર્ગ વિલાયત જી.આઇ.ડી.સી ને જોડતો માર્ગ હોય આ માર્ગ પર ભારેથી અતિભારે ઓવરલોડથી પસાર થતી અને માર્ગ ટુ લેન હોવાથી કાયમી ટ્રાફિકની સમસ્યા રહેતી હોય અને અકસ્માત સર્જાતા હોય છે. શિક્ષણ અને આરોગ્ય જેવી સેવાઓ સાથે સંક્ળાયેલી ગાડીઓ પણ આ રસ્તેથી પસાર થતાં ત્રાહિમામ પોકારતી હોય અને બાયપાસના ગ્રામ્ય વિસ્તારના લોકો વર્ષોથી આ સમસ્યાનો સામનો કરી રહ્યા છે.
Advertisement
