સુરત : ખટોદરામાં ચોકલેટની લાલચ આપી બાળકી સાથે છેડછાડ

સુરતના ખટોદરા વિસ્તારમાં ચોકલેટની લાલચ આપી 4 વર્ષની બાળકી સાથે છેડછાડનો મામલો સામે આવતા પોલીસે 354(A)(1) તા પોકસો એક્ટ હેઠળ ગુનો નોંધી આરોપીને ઝડપી પાડયો છે.
બનાવની વિગત અનુસાર અલથાણ સોહમ સર્કલ પાસે શ્રમજીવી વિસ્તારમાં 4 વર્ષીય દીકરીને દાદીની પાસે મૂકી લોકોના ધરકામ કરવા જતી હોય અને શનિવારે બપોરે મામાની દીકરી સાથે રમતી બાળકીને એકલતા જોઈ પાડોશી યુવકે ચોકલેટ અને જ્યુસની લાલચ આપી પોતાના રૂમ પર લઈ જઇ નિર્વસ્ત્ર કરી શારીરિક છેડછાડ કરતાં બાળકીએ ગભરાઈ જઈ રડતાં પકડાઈ જવાની બીકે આરોપી રૂમની બહાર બાળકીને છોડીને ભાગી ગયો હતો. જે બાબતની વાત બાળકીએ તેની માતા અને મામાને કરતાં પોલીસ ફરિયાદ કરવામાં આવતા પોલીસે આરોપી મનીષને ઝડપી પાડી આગળની કાર્યવાહી હાથ ધરી છે. જયારે બાળકીની માતાના નિવેદન અનુસાર બાળકીને ત્રણ ચાર દિવસ પહેલા પણ ગુપ્તાંગમાં પીડા થતાં હોય ત્યારે બાળકીએ કઈ કહ્યું ણ હોય પરંતુ મનીષની આ કરતૂત બાદ અગાઉ પણ બાળકી સાથે છેડછાડ કરી હોવાની અને દુષ્કર્મ થયું હોવાની આશંકા વ્યક્ત કરતાં હાલ મેડિકલ ઓફિસરે ગાયનેક વિભાગને બાળકીને રિફર કરી અભિપ્રાય માંગેલ છે.