સુરત જિલ્લામાં બે દિવસ પડેલા કમોસમી માવઠાને લીધે ડાંગર શાકભાજીના પાકને મોટું નુકસાન .

સુરત જિલ્લામાં બે દિવસ પડેલા કમોસમી માવઠાને લીધે ડાંગર શાકભાજીના પાકને મોટું નુકસાન થયું છે ત્યાં બીજી તરફ અરબી સમુદ્રમાં સર્જાયેલા લો પ્રેશરના કારણે હવામાન વિભાગ દ્વારા ત્રણથી ચાર દિવસની અંદર કમોસમી વરસાદની આગાહી કરવામાં આવી છે ત્યારે આગાહીના પગલે સુરત સહિત દક્ષિણ ગુજરાતના ખેડૂતો પણ મૂંઝવણમાં મુકાયા છે.ડાંગર, શેરડી સહિત શાકભાજીના પાકને નુકસાન થવાની ભીતિ ખેડૂતોને સતાવી રહી છે.
આગામી ત્રણથી ચાર દિવસ દરમિયાન સુરત ભરૂચ સહિતના જિલ્લાઓમાં કમોસમી વરસાદ પડી શકે છે તેવી આગાહી હવામાન વિભાગ દ્વારા વ્યકત કરવામાં આવી છે જો સુરત સહિત દક્ષિણ ગુજરાતમાં ફરી કમોસમી વરસાદ પડે તો ડાંગર શેરડી સહિત શાકભાજીના પાકને મોટુ નુકસાન થાય તેવી ભીતિ વ્યક્ત કરવામાં આવી રહી છે.આ અંગે દક્ષિણ ગુજરાત ખેડૂત સમાજના પ્રમુખ જયેશ ડેલાદે જણાવ્યું છે કે અગાઉ કમોસમી વરસાદના કારણે ડાંગરના પાકને મોટું નુકસાન થયું છે એટલું નહીં પરંતુ શેરડીના ઊભા પાકને પણ નુકસાન થતાં સુગર મિલો મૂંઝવણમાં મુકાઈ છે ત્યાં બીજી તરફ જે પ્રમાણે આગાહી કરવામાં આવી છે તેના પગલે સુગર મિલોમાં નુકસાનની ભીતિ સેવાઈ રહી છે જો કમોસમી વરસાદ પડે તો ખેડૂત અને સુગર મિલોને થઈ શકે તેવી ભીતિ છે.