દેશભરમાં બની રહેલી દુષ્કર્મની ધટનામાં લોકો રોષે ભરાયા છે ઠેર ઠેર વિરોધ પ્રદર્શન થઈ રહ્યા છે જેમાં સુરતના ડીંડોલી નજીક સાંઇ પોઈન્ટ ચોકડી પાસે વિવિધ સંગઠનો દ્વારા બાળાત્કારીઓને કડક સજા કરવાની માંગણી કરતું વિરોધ પ્રદર્શન યોજાયું હતું.

હૈદરાબાદ-રાંચી રાજકોટ વડોદરા અને સુરતની ધટનામાં દુષ્કર્મીઓને સજાની માંગણી સાથે પ્રદર્શન યોજવામાં આવી રહ્યા છે. જેમાં સુરત ખાતે ડીંડોલી નજીક સાંઇ પોઈન્ટ ચોકડી નજીક આજે સોશ્યલિસ્ટ યુનિટી સેન્ટર ઓફ ઈન્ડિયા સહિત અન્ય સંગઠનો દ્વારા પોતાનો વિરોધ પ્રદર્શન કર્યા હતા. તેમણે બાળાત્કારીઓને કડક સજા કરો દારૂબંધી કરો તેમજ અશ્લીલ ફિલ્મો, સાહિત્ય પર પ્રતિબંધ મૂકવાની માંગણી કરી હતી. આ વિરોધ પ્રદર્શનમાં પ્રયાગરાજ મૌયો, રામ ભારત મૌયો, નીરજ મૌયો, નવલ કુમારઝા, ભારત મૌયા, સુરેશ મૌયા સહિતના આગેવાનો વિવિધ સંગઠનોનાં અગ્રણીઓ જોડાયા હતા.