ઝધડિયા જીઆઇડીસી વિસ્તારમાં સબ સ્ટેશનમાં વીજ કરંટ લાગતા એક કામદારનું મોત નિપજવા પામ્યું હતું.

ઝધડીયા જીઆઇડીસીને વીજ પુરવઠો પહોંચાડતા સેલોદ વીજ સબ સ્ટેશનમાં સાફ સફાઈની કામગીરી હાથ ધરાય રહી હતી તે દરમ્યાન એક કામદારને એકાએક વીજ કરંટ લાગતા તે ગંભીર રીતે દાઝી જવા પામ્યો હતો અને ઊંચાઈએથી નીચે પટકાયો હતો. જેથી તેનું ધટના સ્થળે જ મોત નિપજ્યું હતું. બનાવ અંગેની જાણ થતા વીજ કંપનીના અધિકારીઓ ધટના સ્થળે દોડી ગયા હતા અને બનાવ અંગે ઝધડીયા પોલીસને જાણ કરી હતી. આ ધટનામાં કામદારને વીજ કરંટ કેવી રીતે લાગ્યો તેમાં કોની બેદરકારી હતી તે મામલે વીજ કંપનીના અધિકારીઓએ પણ તપાસ હાથ ધરી છે.