અંકલેશ્વરમાં સામાજીક ક્ષેત્રે કાર્યરત ગુંજ સોશિયલ ગૃપ દ્વારા પાંચમો સર્વ જ્ઞાતિ સમૂહ લગ્ન મહોત્સવ યોજાયો.

અંકલેશ્વર શહેરમાં સામાજીક ક્ષેત્રે કાર્યરત ગુંજ સોશિયલ ગૃપ દ્વારા ગરબા મહોત્સવ સહિત સમૂહ લગ્નનું આયોજન વર્ષોથી કરવામાં આવે છે. જેમાં આ વર્ષે પાંચમો સર્વ જ્ઞાતિ સમૂહ લગ્ન ઉત્સવ અંકલેશ્વરનાં ગુંજ ગરબા ગ્રાઉન્ડ ખાતે યોજવામાં આવ્યો હતો. જેમાં 50 જેટલાં યુગલોએ પ્રભુતાનાં પગલાં ભર્યા હતા.

આ પ્રસંગે રામકુંડનાં મહંત ગંગાદાસ બાપુ, ગુંજ સોશિયલ ગૃપનાં પ્રમુખ સુધીર ગુપ્તા, ધર્મેશ ચાવડા, સંદીપ પટેલ, ગણેશ અગ્રવાલ સહિત અનેક મહાનુભાવો હાજર રહ્યા હતા. લગ્ન ગ્રંથિથી જોડાયેલા યુગલોને કરિયાવર તથા ભેટ સોગાદ આપવામાં આવી હતી.