અંકલેશ્વર શહેર પોલીસે ચોકસી બજારમાં રહેતા એક બુટલેગરની ઇંગ્લિશ દારૂના જથ્થા સાથે અટકાયત કરી હતી. આ બુટલેગર અંકલેશ્વર નગરપાલિકામાં વેરા વિભાગમાં રોજમદાર તરીકે ફરજ બજાવતો હોવાનું જાણવા મળી રહ્યું છે. અંકલેશ્વર નગર સેવા સદનના વેરા વિભાગમાં રોજમદાર તરીકે કામ કરતો કર્મચારી અર્પિત સુણેવવાલાની શહેર પોલીસે રૂ.8,400 નાં વિદેશી દારૂના જથ્થા સાથે ઝડપી પાડયો હતો. અંકલેશ્વર શહેર પોલીસે બાતમીના આધારે અર્પિતના ચોકસી બજાર સ્થિત ઘરમાં રેડ કરી હતી.પોલીસે દારૂના જથ્થા સાથે ધરપકડ કરી કાયદેસરની કાર્યવાહી કરી હતી. આરોપી છેલ્લા 15 વર્ષથી નગર પાલિકામાં રોજમદાર તરીકે કામ કરે છે.
Advertisement
