સુરેન્દ્રનગરનાં લીંબડી તાલુકાનાં સીયાણી ગામમાં અસંખ્ય તીડ આવી જતા ખેડૂતોએ થાળી અને બૂમો પાડી તીડ ભગાવતો વીડિયો વાયરલ થયો હતો.

સુરેન્દ્રનગર જિલ્લાનાં સરહદી વિસ્તાર લીંબડી તાલુકાનાં સિયાણી ગામમાં આજે હજારોની સંખ્યામાં તીડ દ્વારા હુમલો કરવામાં આવતા ખેડૂતોને માથે ફરી આપત્તિ ઊભી થઈ હતી. થોડા દિવસો અગાઉ જ આવા તીડનાં હુમલાથી ખેડૂતોના ઉભા પાકને નુકસાન થયું હતું. ત્યારે આજે ફરીથી હજારોની સંખ્યામાં તીડ ઉમટી પડતા ખેડૂતોના ઉભા પાકને નુકસાન થાય તેવી ભીતિ સાથે ખેડૂતો ખેતરમાં ઉતર્યા હતા અને બૂમોને થાળી વગાડીને ભગાડવાનો પ્રયાસ કર્યો હતો.