નર્મદા જિલ્લાનાં દેડિયાપાડા ખાતે રહેતા ભાવિન વસાવાએ 4 જેટલી જગ્યાએથી ઇજાગ્રસ્ત કોબ્રા સાપને ડ્રેસિંગ કરી તેને જીવિત કર્યો હતો. પ્રાપ્ત માહિતી અનુસાર નર્મદા જિલ્લાનાં દેડિયાપાડા ખાતે એક ઝેરી કોબ્રા સાપ લોહી લુહાણ હાલતમાં રસ્તા પર પડ્યો હતો. આ બાબતની જાણ જીવદયા પ્રેમી ભાવિન વસાવાને થતાં તે તાત્કાલિક સ્થળ પર પહોંચી ગયો હતો અને લોહી લુહાણ કોબ્રા સાપને તેના શરીર પર 4 જગ્યાએ ઈજાઓ થઈ હતી તેને પકડી ડ્રેસિંગ કરી સારવાર આપી હતી. આ ઘટના જોઈ લોકટોળાઓ ઉમટી પડયા હતા. જીવદયા પ્રેમી ભાવિન વસાવા તેમજ તેની ટીમને લોકોએ અભિનંદન પાઠવ્યા હતા. આ ઘટના નર્મદા જિલ્લામાં પ્રથમ બની હોવાની જોવા મળી હતી.
મોન્ટુ શેખ, રાજપીપળા
Advertisement
