ભરૂચ જિલ્લાનાં ઝઘડીયા તાલુકાનાં રાજપારડી ગામે ધોરીમાર્ગ પર આવેલ દર્શન હોટલનાં કમ્પાઉન્ડમાં પાર્ક કરેલ એક મોટરસાયકલની રાત્રી દરમિયાન ચોરી થવા પામી હતી. રાજપારડી પોલીસમાંથી મળતી વિગતો મુજબ પાટણ જિલ્લાનાં સેવાલણી ગામના એહમદ અબ્બાસ અલીહુશૈન સુણસારા રાજપારડી ગામે ધોરીમાર્ગ પર આવેલ દર્શન હોટલ ચલાવે છે.તા.૭ મી જુલાઈનાં રોજ રાત્રે તેમની મોટરસાયકલ હોટલ સામે પાર્ક કરી હતી. બીજા દિવસે સવારે પાર્ક કરેલ જગ્યાએ મોટરસાયકલ ના દેખાતા મોટરસાયકલ ચોરી થઇ હોવાનું જણાયુ હતું. મોટરસાયકલ શોધવા છતા મળી ન હતી.ત્યારબાદ આ હોટલ સંચાલક કોઇ કામસર તેમના વતનમાં ગયા હતા.દરમિયાન રાજપારડી પરત આવ્યા બાદ પણ મોટરસાયકલની ભાળ ન મળતા તેમણે તા.૧૭ મીના રોજ રાજપારડી પોલીસમાં મોટરસાયકલ ચોરાવા બાબતે ફરિયાદ લખાવી હતી.રાજપારડી પોલીસે આ અંગે ગુનો નોંધી તપાસ હાથ ધરી હતી.
ગુલામહુશેન ખત્રી રાજપારડી જિ.ભરૂચ.
