ગઇકાલે ઝઘડિયા તાલુકાનાં નાનાસાંજા ગામની અનુપમ નગર સોસાયટીના એક મકાનના પાછળના ઓટલા ઉપર કેટલાક ઇસમો પાના પત્તા વડે હારજીતનો જુગાર રમતા હોવાની બાતમી મળતા ઝઘડિયા પોલીસે બાતમીના સ્થળે છાપો મારતા આઠ ઈસમો જુગાર રમતા ઝડપાયા હતા. પોલીસની આ રેડમાં ઝડપાયેલ જુગારીયાઓમાં રમેશ મોહન ભાઈ વસાવા, જશવંત નટવરભાઈ વસાવા, પૃથ્વીરાજ રાજેન્દ્રભાઈ ચૌહાણ, તુષાર અજીતભાઈ ચૌહાણ, અશ્વિન ઉર્ફે જીગો હિંમતસિંહ ચૌહાણ, અશોક નટવરભાઈ પટેલ, ભૂપેન્દ્ર ઉર્ફે રાજુ વિજયસિંહ ચૌહાણ અને ભદ્રેશ મહેન્દ્રભાઈ ચૌહાણ તમામ રહેવાસી ગામ નાનાસાંજા તાલુકો ઝઘડિયા જુગાર રમતા ઝડપાયા હતા. ઝડપાયેલા જુગારીયાઓ પાસેથી રૂપિયા ૧૧,૩૧૦ રોકડા તેમજ ૩ નંગ મોબાઇલ કિંમત રૂપીયા ૧૩,૦૦૦ મળી કુલ રૂ. ૨૪,૩૧૦ નો મુદ્દામાલ ઝઘડિયા પોલીસે જપ્ત કર્યો હતો. ઝડપાયેલ જુગારીયા વિરુદ્ધ જુગાર ધારા કલમ તથા નેશનલ ડિઝાસ્ટર મેનેજમેન્ટ એક્ટ કલમ મુજબ ફરિયાદ નોંધી તેમની વિરૂદ્ધ કાર્યવાહી હાથ ધરી છે.ઝઘડીયા તાલુકામાં શ્રાવણીયો જુગાર રમતા ઇસમોમાં આ ઘટનાને પગલે ફફડાટ ફેલાયો હતો.
ગુલામહુશેન ખત્રી રાજપારડી જિ.ભરુચ.
