ભરૂચ : મદીના હોટલ નજીક વૃક્ષ ધરાશાયી થયું.

જન્માષ્ટમી પર્વના દિવસથી ભરૂચ પંથકમાં ભારે અને તોફાની વરસાદ વરસી રહ્યો છે ત્યારે અત્યારસુધી 5 મકાનોની દીવાલો ધસી પડી છે. ત્યારે વૃક્ષો ધરાશાયી થયા હોવાના બનાવો પણ બન્યા છે. તાજેતરમાં મદીના હોટલ નજીક એક તોટિંગ વૃક્ષ ધરાશાયી થયું હતું. આ વૃક્ષ બે મકાનો પર પડતાં મકાનમાં રહેતા તેમજ આજુબાજુનાં લોકોમાં દોડધામ અને અફરાતફરીનું વાતાવરણ ફેલાય ગયું હતું. ફાયરબ્રિગેડનાં જવાનોએ સમયસરની કાર્યવાહી કરી હતી. મદીના હોટલ નજીકથી સતત વાહનોની અવરજવર થતી હોય છે ત્યારે સદભાગ્યે આ બનાવમાં કોઈ નુકસાન કે જાનહાનિ થઈ ન હતી.