ભરૂચ : ઉપરવાસમાંથી પાણીની આવક થતાં ડેમ અને નદીનાં જળસ્તરમાં વધારો થયો.

વરસાદની વધુ આવક થતાં ભરૂચ જીલ્લામાં ત્રણ ડેમ ઓવરફલો થયા છે. ઓવરફલો થતાં ડેમની આજુબાજુનાં ગામોને એલર્ટ કરવામાં આવ્યા છે. ભરૂચ ડિઝાસ્ટાર કંટ્રોલ રૂમનાં સૂત્રોનાં જણાવ્યા અનુસાર બલદેવા ડેમ 20 સેન્ટિમીટર, ધોલી ડેમ 25 સેન્ટિમીટર અને પિંગુટ ડેમ 22 સેન્ટિમીટર ઓવરફ્લો થયા હોવાનું જણાયું છે. ભરૂચ નજીક આવેલ ગોલ્ડન બ્રિજ ખાતે નર્મદા નદીની સપાટી 14.75 ફૂટ નોંધાય હતી.

નર્મદા નદીમાં નવા નીર આવતા નદી બે કાંઠે વહેતી થશે. જયારે આમોદ નજીક આવેલી ઢાઢર નદી 96 ફૂટ કરતાં વધુ સપાટીએ વહી રહી હોવાનું જણાવ્યુ હતું.