લીંબડી મોટાવાસ વિસ્તારનાં નાકે કચરો, દારૂની થેલીઓનો ઢગલો થતાં લોકો ત્રાહિમામ પોકારી ઉઠયા છે.

લીંબડી તાલુકાનાં મોટાવાસ વિસ્તારનાં નાકા પાસે રહેણાંક વિસ્તારમાં બેફામ ગંદકીનુ સામ્રાજ્ય બની રહ્યું છે ત્યારે આ રહેણાંક વિસ્તારમાં કચરાપેટી અને મુતરડી આવેલ છે ત્યારે બેફામ દુર્ગંધ આવતા લોકો ત્રાહિમામ પોકારી ઊઠયા છે. ત્યારે આ મુતરડીમાં લોકો સ્પેશિયલ દેશી દારૂ પીવા જ આવે છે અને દારૂની થેલીઓનો ઢગલો જામી ગયો છે

ત્યારે આ કચરાપેટીમાં આશરે 5 થી 6 વિસ્તારના લોકો કચરો નાંખવા આવે છે અને લોકો કચરો કચરાપેટીમાં નહીં પણ બહાર ફેંકી ચાલ્યા જાય છે. ત્યારે રહીશો દ્વારા એવો પણ આક્ષેપ કરવામાં આવ્યો હતો કે નગરપાલિકાનાં સફાઈ કર્મચારીઓ છેલ્લા 6 થી 7 મહિનાથી સફાઈ કરવા પણ નથી આવ્યા ત્યારે રહિશોમાં રોગચાળો ફાટી નીકળવાનો ભય સતાવી રહ્યો છે. ત્યારે હાલ આ કચરાપેટી હટાવવામાં આવે અને આ મુતરડી પાડી દેવામાં આવે તેવી માંગ ઉઠી છે.

કલ્પેશ વાઢેર સુરેન્દ્રનગર