ભરૂચ જીલ્લાના ઝઘડીયા તાલુકાના રાજપારડી ગામે વિજ કંપનીની કચેરીમાં ડેપ્યુટી ઇજનેર તરીકે પાંચ વર્ષથી ફરજ બજાવતા કુવરજી વસાવાની ડેડીયાપાડા ખાતે બદલી થતાં તેમના સ્થાને રાજપારડી ખાતે ડેપ્યુટી ઇજનેર તરીકે ડેવીડ વસાવાની નિમણુક થઇ છે. આજે વીજ કર્મચારીઓ દ્વારા વિદાય લેતા વીજ અધિકારી કુંવરજી વસાવાને વિદાયમાન તેમજ નવા આવેલ અધિકારી ડેવીડ વસાવાને આવકારવાનો કાર્યક્રમ યોજાયો હતો. આ પ્રસંગે વિદાય લેતા ઇજનેરની સેવાઓને બિરદાવવામાં આવી હતી. જ્યારે નવા આવેલ ઇજનેરે પોતે વીજ કંપનીમાં પોતાની ફરજ પુરા ખંતથી બજાવશે એવી કટિબદ્ધતા વ્યક્ત કરી હતી. બંને ઇજનેરોએ પોતાનું બહુમાન કરવા બદલ સહકર્મીઓનો આભાર માન્યો હતો. સોસિયલ ડિસ્ટન્સના નિયમનો ખ્યાલ રાખીને તે મુજબ કાર્યક્રમ યોજાયો હતો.
ગુલામહુશેન ખત્રી રાજપારડી જી.ભરૂચ
Advertisement
