ભરૂચ નજીક રાષ્ટ્રીય ધોરીમાર્ગ પાસે માંડવા વિસ્તારમાં બાયોડિઝલ પંપ પર અચાનક આગ લાગી જતાં અફરાતફરીનું વાતાવરણ સર્જાયું હતું. આ આગના પગલે આજુબાજુનાં વિસ્તારમાં રહેતા લોકોમાં ભયની લાગણી ફેલાય ગઈ હતી. પરંતુ સમયસર ફાયર બ્રિગેડને જાણ કરતાં ફાયરબ્રિગેડનાં જવાનો ઘટના સ્થળે પહોંચી ગયા હતા અને આગ ઉપર મહદઅંશે કાબુ મેળવાયો હતો. ભરૂચ જીલ્લામાં કેમિકલ કંપની અને અન્ય કંપનીઓમાં તેમજ પેટ્રોલપંપમાં આગનાં બનાવ તેમજ ગેસ લીકેજ અંગેનાં બનાવો વધી રહ્યા છે ત્યારે સેફટી અંગે વધુ પ્રયાસો કરવા જોઈએ તેમ જણાય રહ્યું છે.
Advertisement
