ભરૂચ જીલ્લામાં સગીર બાળકો ગુમ થતાં હોવાનો બનાવો વધી રહ્યા છે. ત્યારે ભરૂચ જીલ્લાનાં વાગરા તાલુકાનાં જોલવા ગામ ખાતેથી ગત તા.16/9/2020 ના રોજ સગીર વયનો પુત્ર કોઈને કઈ કહ્યા વગર જતો રહ્યો હોય અથવા અપહરણ કરેલ હોય જે બાબતે દહેજ પોલીસ સ્ટેશન ખાતે અપહરણની ફરિયાદ દાખલ કરવામાં આવી હતી. જેથી પોલીસ દ્વારા સધન તપાસ કરવામાં આવી હતી અને ગુમ થનાર બાળકનાં ફોટા અને સંપર્ક સોશિયલ મીડિયામાં વાયરલ કરવાથી ભરૂચનાં રિક્ષા ચાલક રાહુલ મહેશભાઇ આહીરને ગુમ થયેલ બાળક ભરૂચનાં ઝાડેશ્વર ચોકડી ખાતેથી મળી આવ્યો હતો. જે દરમ્યાન બાળકની પૂછપરછ કરતાં જણાવ્યુ હતું કે તેને પિતા દ્વારા આજુબાજુના બાળકો સાથે થયેલ ઝધડા અંગે ઠપકો આપતા તે જતો રહ્યો હતો.
Advertisement
