ગતરોજ રાત્રિના સમયે અંકલેશ્વર સ્થિત પાનોલી જી.આઈ.ડી.સી.ની સ્ટેન્ડ હાર્ટ કંપનીમાં ભીષણ આગ લાગતા હડકંપ મચી જવા પામ્યો હતો. બનાવ અંગે આસપાસની કંપનીઓને પણ જાણ થતાં આસપાસની કંપનીના કર્મચારીઓ પણ નાસભાગ કરવા લાગ્યા હતા.
બનાવ અંગે મળતી માહિતી અનુસાર સ્ટેન્ડ હાર્ટ કંપની ગત રાત્રિના રોજ ચાલુ યુનિટમાં આગ લાગી હોવાની ચર્ચાઓ સામે આવી હતી. બનાવ અંગે ફાયર વિભાગને જાણ થતાં 30 જેટલા ફાયર વિભાગના કર્મચારીઓ ઘટના સ્થળ પર પહોચી આવ્યા હતા અને આગ પર કાબૂ મેળવાનો પ્રયાસ કર્યો હતો. પરંતુ ફાયર વિભાગના પહોચતા પહેલા જ એક ભડકો થતાં જ આખી કંપની બળીને ખાખ થઈ ચૂકી હતી પરંતુ કોઈને જાનહાનિ ન થતાં બધાએ રાહતનો હાશકારો અનુભવ્યો હતો.
મુકેશ વસાવા : અંકલેશ્વર
Advertisement
