ભરૂચ જીલ્લા સહિત અન્ય તાલુકાઓમાં કેટલો વરસાદ વરસ્યો જાણો ?

વરસાદની મોસમ સમાપ્ત થવા આવી છે ત્યારે ભરૂચ જીલ્લામાં વરસાદ આખરી ચમકારો બતાવતો હોય તેમ ગત રાત્રિનાં સમયે ગણતરીનાં કલાકોમાં ભરૂચ જિલ્લા સહિત અન્ય તાલુકાઓ સહિત કુલ 9 ઇંચ વરસાદ ખાબકયો હતો. જેમાં સૌથી વધુ 2 ઇંચ વરસાદ ભરૂચ તાલુકામાં અને સૌથી ઓછો 9 મી.મી. વરસાદ જંબુસર તાલુકામાં વરસ્યો હતો. બાકીના તાલુકાની વિગત જોતાં આમોદ તાલુકામાં 18 મી.મી., અંકલેશ્વર તાલુકામાં 21 મી.મી., હાંસોટ તાલુકામાં 34 મી.મી., નેત્રંગ તાલુકામાં 28 મી.મી., વાગરા તાલુકામાં 26 મી.મી., વાલિયા તાલુકામાં 32 મી.મી., ઝધડિયા તાલુકામાં 10 મી.મી., મળી કુલ 226 મી.મી. એટલે કે 9 ઇંચ કરતાં વધુ વરસાદ વરસ્યો હતો.