અંકલેશ્વરનાં કાપોદ્રા ગામ નજીક આવેલ ખાડી પુલનો કેટલોક ભાગ બેસી જતા ઈંટ ભરેલી ટ્રક પાણીમાં ખાબકી.

અંકલેશ્વર કાપોદ્રા ગામ નજીક આવેલ ખાડી પુલનો કેટલોક ભાગ બેસી જતાં મોટીદુર્ઘટના સર્જાય એવી પરિસ્થિતી ઊભી થઈ હતી. આવા સમયે ઈંટ ભરેલી ટ્રક પાણીમાં ખાબકી હતી. પરંતુ સદભાગ્યે કોઈ જાનહાનિ થઈ ન હતી. કાપોદ્રા ગામને રાષ્ટ્રીય ધોરીમાર્ગ સાથે જોડતા પુલનો એક ભાગ તૂટી પડયો છે. જયારે આ ઘટના બનતા પુલને ભારે નુકસાન થયું છે. કાપોદ્રા ગામનાં રહીશો તેમજ રાષ્ટ્રીય ધોરીમાર્ગથી અવરજવર કરતાં વાહનચાલકોને પુલનો ભાગ તૂટી પડતાં ભયની લાગણી ફેલાઈ હતી.