કરજણ શિનોર પોર વિધાનસભા પેટા ચૂંટણીમાં મતદારોનો અભૂતપૂર્વ ઉત્સાહ જોવા મળ્યો હતો. મતદારોએ ભારે ઉત્સાહપૂર્વક મતદાન કર્યું હતું. વહેલી સવારેથી જ મતદારો પોતાના મતાધિકારનો ઉપયોગ કરતા નજરે પડ્યા હતા. કરજણ નગરના વિવિધ મતદાન મથકોની બહાર મતદારોની લાંબી કતારોનાં દ્રશ્યો જોવા મળ્યા હતા.
તો બીજી તરફ મતદાન શાંતિપૂર્ણ માહોલમાં સંપન્ન થાય એ માટે પોલીસનો ચુસ્ત બંદોબસ્ત ખડકી દેવાયો હતો. કરજણ તાલુકાના ગ્રામીણ વિસ્તારોમાં પણ મતદારોમાં ભારે ઉત્સાહ જોવા મળ્યો હતો. હવે જોવાનું એ રહ્યું કે આગામી 10 મી નવેમ્બરે વિજયની વરમાળા કોના ગળામાં મતદારો પહેરાવશે તે માટે ચૂંટણીના પરિણામ સુધી પ્રતિક્ષા કરવી રહી.
યાકુબ પટેલ : કરજણ
Advertisement
