દહેજ ઔદ્યોગિક વિસ્તારમાં આવેલ હીમાની કંપનીમાં આજે વહેલી સવારે આગ ભભૂકી ઉઠી હતી. આ બનાવમાં સખત રીતે દાઝી ગયેલ રામકુમાર ચૌધરી ઉં.40 નું મોત નિપજ્યું હતું. આ બનાવ અંગેની વિગત જોતાં આજે વહેલી સવારે હીમાની કંપનીનાં ઈટીપી પ્લાન્ટ એરીયામાં કોઈ અગમ્ય કારણોસર આગ લાગી હતી,
આ આગના બનાવમાં એક કામદાર રામકુમાર કિશોરકુમાર ચૌધરી સખત રીતે દાઝી જતા તેનું મોત નિપજ્યું હતું. આ બનાવ અંગે મળતી વિગત અનુસાર પોલ્યુશન ટ્રીટમેન્ટનાં ઇટીપી એરિયામાં આ આગ લાગી હતી જેમાં સોલવન્ટનો પણ સમાવેશ થતો હોય આ આગમાં સોલવન્ટ ઝડપથી સળગી જતા નજીકમાં કામ કરતા રામકુમાર ચૌધરી સખત દાઝી ગયા હતા જેથી તેમનું મોત નિપજ્યું હતું. આ બનાવ અંગે દહેજ પોલીસ તપાસ કરી રહી છે.
Advertisement
