ભરૂચ : સ્વર્ગીય વડાપ્રધાન ઇન્દિરા ગાંધીની જન્મ જયંતિ નિમિત્તે પુષ્પાંજલી કાર્યક્રમ યોજાયો.

દેશના પ્રથમ મહિલા વડાપ્રધાન સ્વર્ગીય ઇન્દિરા ગાંધીની જન્મ જયંતિ નિમિત્તે ભરૂચનાં સ્ટેશન રોડ સ્થિત આવેલ કોંગ્રેસનાં મધ્યસ્થ કાર્યાલય ખાતે સ્વર્ગીય વડાપ્રધાન ઇન્દિરા ગાંધીને પુષ્પાંજલી અર્પણ કરવાનો કાર્યક્રમ યોજાયો હતો.

આ પ્રસંગે ભરૂચ જિલ્લા કોંગ્રેસનાં પ્રમુખ પરિમલ સિંહ રણાએ જણાવ્યુ હતું કે સ્વર્ગીય વડાપ્રધાન ઇન્દિરા ગાંધી દેશનાં પ્રથમ મહિલા વડાપ્રધાન હતા તેઓ લોખંડી મહિલા તરીકેની ખ્યાતિ ધરાવતા હતા. તેમના સમય દરમ્યાન દેશે પ્રગતિનાં સોપાન સર કર્યા હતા. આ પુષ્પાંજલી અર્પણ કાર્યક્રમમાં ભરૂચ જિલ્લા કોંગ્રેસ સમિતિનાં પ્રમુખ પરિમલ સિંહ રણા ઉપરાંત નગર પ્રમુખ તેજપ્રીત શોખી, પ્રવકતા નાઝુ ફડવાલા, પૂર્વ જિલ્લા પ્રમુખ રાજેન્દ્ર સિંહ રણા, અરવિંદ દોરાવાલા વગેરે ઉપસ્થિત રહ્યા હતા.