છેલ્લા સાત મહિનાથી અપહરણનાં ગુનામાં નાસતા ફરતા આરોપીને ભરૂચ એસ.ઓ.જી. એ બાતમીનાં આધારે પાનોલી મહારાજા ચોકડી પાસેથી પકડી પાડયો છે.
આ કેસની મળતી માહિતી અનુસાર પોલીસ મહાનિરીક્ષક હરિકૃષ્ણ પટેલ વડોદરા વિભાગ અને એસ.ઓ.જી. પોલીસ ઈન્સ્પેકટર કે.ડી.મંડોરાઓનાં માર્ગદર્શન મુજબ નાસતા ફરતા આરોપીઓને પકડવા કવાયત હાથ ધરેલ હોય જેમાં પી.એસ.આઇ. એમ.આર.શકોરિયા તથા એન.જે. ટાપરિયા તેમજ એસ.ઓ.જી. ની ટિમ દ્વારા અંકલેશ્વર વિસ્તારમાં પેટ્રોલીંગ કરવામાં આવતા હેડ કોન્સટેબલ અનિરુદ્ધસિંહ રણજીતસિંહને બાતમી મળેલ કે સુરત શહેરનો પૂણા પોલીસ સ્ટેશનનો અપહરણનો ગુનો કરી નાસતો ફરતો વોન્ટેડ આરોપી ઐયુબ ઈદ્રીસ ડિપોટી (સીદાત) ભરૂચ જીલ્લાનાં અંકલેશ્વરની મહારાજા ચોકડી પાનોલી જી.આઇ.ડી.સી. ખાતે રહેતો હોય પોલીસે આ બાતમીના આધારે વોન્ટેડ આરોપીને પકડી લઈ અંકલેશ્વર રૂરલ પોલીસમાં સોંપવામાં આવેલ છે.
