અંકલેશ્વર ની ખરોડ ચોકડી નેશનલ હાઇવે ની બાજુ માં આવેલ સર્વોત્તમ હોટલ ના રૂમ માં સુરત ના ૩૪ વર્ષીય યુવકે ગળે ફાંસો ખાઈ આત્મહત્યા કરી લેતા તાલુકા પોલીસે તપાસ હાથ ધરી છે. પોલીસ સૂત્રીય માહિતી મુજબ સુરતના વરાછા વિસ્તાર માં કેશવપાર્ક સોસાયટી માં રહેતા ૩૪ વર્ષીય નિલેશ બાબુભાઇ ગાંગાણી તા. ૨૦ જાન્યુઆરી ના રોજ અંકલેશ્વર તાલુકાના ખરોડ પાસે નેશનલ હાઇવે નંબર-૪૮ ની બાજુમાં આવેલ સર્વોત્તમ હોટલ ના રૂમ માં રોકાયા હતા દરમ્યાન નિલેશ ગાંગાણી એ કોઈક અગમ્ય કારણોસર રૂમ ના છત ના પંખા સાથે ઓઢણી વડે ગળે ફાંસો ખાઈ આત્મહત્યા કરી લીધી હતી આ ઘટના ની જાણ હોટલ ના સંચાલકો ને થતા તેઓએ અંકલેશ્વર તાલુકા પોલીસ મથક માં જાણ કરતા પોલીસ ઘટના સ્થળે આવી પહોંચી મૃતદેહ ને નીચે ઉતારી પોષ્ટ મોર્ટમ અર્થે અંકલેશ્વર ની ડિસ્પેન્સરી ખાતે ખસેડી ગુન્હો નોંધી વધુ તપાસ હાથ ધરી છે.
Advertisement
