લીંબડી શાકમાર્કેટ, સરવરીયા હનુમાન મંદિર, ભાડીયા રોડ સહિતનાં અનેક વિસ્તારોમાં લોકોની ભારે ભીડ જોવા મળી.

લીંબડી તાલુકામા આવતીકાલે એટલે કે તારીખ 13/4/2021 થી લઈને તારીખ 18/4/2021 સુધી લીંબડી ડેપ્યુટી કલેક્ટર હર્ષદવર્ધનસિંહ સોલંકી સાથે લીંબડી વેપારી એસોસિયેશન દ્વારા લોકડાઉનનો નિર્ણય લેતા આજે લીંબડી શાકમાર્કેટ, સરવરીયા હનુમાન મંદિર, ભાડીયા રોડ સહિતના અનેક વિસ્તારોમાં લોકોની ભારે ભીડ જોવા મળી હતી

ત્યારે ઘણા લોકો માસ્ક વગર ફરતા જોવા મળ્યા હતા. તેમજ સોશ્યલ ડિસ્ટેન્સના ફટાકડા ફુટયા હતાં અને લોકો બજારમાં ચીજ વસ્તુઓની નહીં પણ કોરોનાની ખરીદી કરવા નિકળ્યા હોય તેવો માહોલ સર્જાયો હતો અને લોકો લોકડાઉનને કારણે બજારમાં ખરીદી કરવા નિકળી પડ્યા હતા. ત્યારે હાલ લીંબડી શહેરમાં કોરોનાનો કાળો કહેર તુટ્યો છે ત્યારે વધુ કોરોનાને આમંત્રણ આપવાનો નિર્ણય લીંબડીની પ્રજાએ કર્યો હોય તેવા આજે લીંબડી બજારમાં દ્રશ્યો સર્જાયા હતા.

કલ્પેશ વાઢેર સુરેન્દ્રનગર