ભરૂચ જિલ્લામાં આવેલ જંબુસરના ટંકારી રોડ પર આજરોજ સોસાયટીના રહીશોએ મીઠાના અગરમાંથી મીઠુ લઇ જતા ઓવરલોડિંગ ભરેલ ટ્રેકને લઇ જતા ડ્રાઈવરની અટકાયત કરી હતી. ઓવરલોડ મીઠુ ભરેલ ટ્રકોના કારણે મેઈન રસ્તા ઉપર મીઠુ વેરાતુ હોય તેના પરીણામે વાહનચલોકના વાહનો સ્લીપ થવાના બનાવો સર્જાતા હતા જેથી તેમને સાચવીને વાહનો હંકરવા પડતા હતા અને હાલાકી વેઠવી પડતી હતી સાથે આસપાસ રહેતા રહીશોને સ્વાસ્થ્યની સમસ્યા થતી હતી.
જેથી છેવટે આનાથી કંટાળેલ રહીશોએ વારંવાર પ્રાંતઅધિકારી તથા જંબુસર પોલીસને રજુઆત કરી હતી. પ્રાંતધિકારીઓ દ્વારા કોઈ કામગીરી હાથ ધરવામાં આવી ન હતી. છેવટે સમસ્યાનો નિવેડો નહી આવતા આ વિસ્તારમા આવેલ સોસાયટીના અગ્રણીઓ રસ્તા ઉપર ઉતર્યા હતા અને મીઠાની ઓવરલોડ ટ્રકોને રોકીને વિરોધ વ્યક્ત કર્યો હતો.
Advertisement
