ભરૂચ જિલ્લાના ઝઘડીયા તાલુકાના વણાકપોર ગામે એક ૧૯ વર્ષીય યુવતીને ઝેરી સાપે ડંખ મારતા યુવતીનું મોત નીપજ્યુ હતુ. રાજપારડી પોલીસમાંથી મળતી વિગતો મુજબ વણાકપોર ગામે રહેતા ફિરોઝખા પઠાણની ૧૯ વર્ષની દિકરી મુસ્કાનબાનું આજે સવારના નવેક વાગ્યાના અરસામાં ઘરની પાછળ વાડાના ભાગે લાકડા લેવા ગઇ હતી તે વખતે લાકડા ખસેડતા એક ઝેરી સાપે હાથની બે આંગળીઓ પર ડંખ માર્યા હતા. યુવતીએ બુમ પાડતા ઘરના માણસો દોડી આવ્યા હતા. યુવતીને સારવાર માટે અવિધા સરકારી દવાખાને લઇ જવામાં આવી હતી, જ્યાં ફરજ પરના તબીબે તેને મરણ પામેલ જાહેર કરી હતી. આ અંગે યુવતીના ભાઇ અબ્દુલકાદર ફિરોઝખા પઠાણે રાજપારડી પોલીસમાં જાણ કરી હતી.
ગુલામહુશેન ખત્રી રાજપારડી જિ.ભરૂચ
Advertisement
