ગતરોજ તા.૫ મી ના રોજ અમદાવાદ ખાતે સ્વામી વિવેકાનંદ ગુજરાત રાજ્ય યુવા બોર્ડની બેઠક મળી હતી. આ અંગે પ્રાપ્ત વિગતો મુજબ સ્વામી વિવેકાનંદ ગુજરાત રાજ્ય યુવા બોર્ડની સંપૂર્ણ ગુજરાત રાજ્ય ટીમની ગુજરાત રાજ્યના સંયોજક જીગરભાઈ અને પાર્ટીના પ્રદેશ પ્રવક્તા ભરત પંડ્યાની ઉપસ્થિતિમાં અગત્યની બેઠકનું અમદાવાદ ખાતે આયોજન કરવામાં આવ્યુ હતુ. જેમાં ભરૂચ જિલ્લાના આગેવાન અને ઝઘડિયા તાલુકાના યુવા સંયોજક દિનેશભાઈ વસાવા ( ટીનાભાઈ ) ને ભરૂચ જિલ્લા વાલીની અગત્યની જવાબદારી સોંપવામાં આવી હતી.
ઝઘડીયા તાલુકાના અગ્રણી અને યુવક બોર્ડના તાલુકા સંયોજક દિનેશ વસાવાની આવી જિલ્લા સ્તરની મહત્વની જવાબદારી માટે વરણી થતા ઝઘડીયા તાલુકા ભાજપાના હોદ્દેદારો અને કાર્યકરોએ તેમને શુભેચ્છા આપી હતી. દિનેશ વસાવાએ તેઓ તેમને સોંપવામાં આવેલ જવાબદારી નિભાવવા કટિબદ્ધ રહેશે એવી લાગણી ઉચ્ચારીને પોતાની આ વરણી બદલ અગ્રણીઓનો આભાર માન્યો હતો.
ગુલામહુશેન ખત્રી રાજપારડી જિ.ભરૂચ
