જ્યાં રાજ્ય સરકાર દ્વારા છેલ્લા ઘણા સમયથી બાયોડીઝલના વેચાણ પર પ્રતિબંધ મુકવામાં આવી ચુક્યો છે ત્યારે આજરોજ એક જગ્યા પરથી બાયોડીઝલ કૌભાંડનો મામલો સામે આવ્યો છે, ગત બે દિવસ અગાઉ પણ પાલેજ નજીકથી બાયોડીઝલના ગેરકાયદેસરના પંપોને ઝડપી પાડવા ગાંધીનગર સી.આઈ.ડી. ક્રાઇમ બ્રાન્ચ એક્શનમાં આવી હતી અને ગતરોજ ફરી એક ગેરકાયદેસરના બાયોડીઝલ પંપને ઝડપી પાડવામાં આવ્યો હતો.
રાજ્ય સરકાર દ્વારા પ્રતિબંધ હોવા છતાં કઈ રીતે બાયોડીઝલના વેપલા ચાલી રહ્યા છે ? જે તપાસનો વિષય બન્યો છે. અંકલેશ્વર નેશલ હાઇવે પરથી પાલેજ સુધીમાં ઓછામાં ઓછા 20 થી 25 જેટલાં ગેરકાયદેસરના બાયોડીઝલના વેપલા ચાલી રહ્યા છે.
ગતરોજ અંકલેશ્વર નેશનલ હાઇવે નંબર 48 પર આવેલ બાકરોલ બ્રિજ નજીક ગોડાઉનમાંથી કુલ 11,000 લીત્રનો કિંમત રૂપિયા 7,15,000/-નો શંકાસ્પદનો બાયોડીઝલનો જથ્થો ભરૂચ એલ. સી. બી. પોલીસે ઝડપી પાડ્યો હતો.
બનાવ અંગે મળતી માહીતી અનુસાર ગેરકાયદેસર રીતે બાકરોલ બ્રિજ નજીક એક ગોડાઉનમાં લોખંડની બે ટેન્કોમાંથી કુલ 11,000 લીટર જેની કિંમત રૂપિયા 7,15,000/-નો શંકાસ્પદ બાયોડીઝલનો જથ્થો વાહનોમાં ડીઝલ ભરવાના ડિઝીટલ ડીસ્પેનશર સાથે ઝડપી પાડવામાં આવ્યો હતો.
જે અંગે આરોપીઓની ધરપકડ કરી આરોપીઓ વિરૂધ્ધ કાયદેસરની કાર્યવાહી હાથધરી આગળની તપાસ હાથ ધરવામાં આવી હતી.
પકડાયેલ આરોપીઓ :-
(1) વિમલકુમાર પદમારામ રહે, લુદરાડા મહિલાવાસ બાડમેર રાજસ્થાન
(2) ગોપલસિંહ પ્રહલાદસિંહ રાજપુરોહિત રહે, વિમલ મારવાડીના ગોડાઉનમાં બાકરોલ બ્રિજ પાસે અંકલેશ્વર
(3) ધનશ્યામ બીપત વર્મા રહે, વિમલ મારવાડીના ગોડાઉનમાં બાકરોલ બ્રિજ પાસે અંકલેશ્વર.
(4) દિનેશભાઇ કિશકુમાર વર્મા વિમલ મારવાડીના ગોડાઉનમાં બાકરોલ બ્રિજ પાસે અંકલેશ્વર સામે કાયદેસરની કાર્યવાહી કરવા અંકલેશ્વર રૂરલ પોલીસે ગુનો દાખલ કર્યો હતો.
રિધ્ધી પંચાલ, ભરૂચ.
