અંકલેશ્વર પંથકમાં આજરોજ સવારના સમયે એક હોનારત સર્જાય હતી. અંકલેશ્વર પંથકમાં આવેલ મહાવીર ટર્નિંગ નજીક આવેલ ટ્રેડ સેન્ટર નામક શોપિંગ સેન્ટરમાં એકાએક લિફ્ટ તૂટતાં 2 થી 3 જેટલા લોકોને ગંભીર ઇજાઓ પહોંચી હતી.
અંકલેશ્વર પંથકમાં આવેલ મહાકાય શોપિંગ સેન્ટરમાં એકાએક લિફ્ટ નીચે ઢળી આવી હતી. મહાવીર ટર્નિંગ નજીક ટ્રેડ સેન્ટર નામના શોપિંગ પાંચ માળનું છે જેમાં લિફ્ટની સુવિધાઓ આવશ્યક છે. થોડાક વર્ષો પહેલા જ ટ્રેડ સેન્ટર નામક શોપિંગ સેન્ટરનું બાંધકામ થયુ હતું. અગાઉ આ પ્રકારની કોઈપણ જાનહાનીને નુકશાન પહોચે તેવી ઘટના સર્જાઈ ન હતી.. શું લીફ્ટના મેન્ટેન્સની કામગીરી હાથ ધરવામાં નહોતી આવતી ? એકાએક લીફટ તૂટી જતાં વિસ્તારમાં અફરતફરી મચી જવા પામી હતી. લિફ્ટ તૂટવાથી 2 થી 3 જેટલા લોકોને ગંભીર ઇજાઓ પહોંચી હતી જેને પગલે ઇજાગ્રસ્તોને તાત્કાલિક ધોરણે નજીકનાં ખાનગી હોસ્પિટલ ટીશા ઓર્થોપેડિક ખાતે ખસેડવામાં આવ્યા હતા.
મુકેશ વસાવા : અંકલેશ્વર
