ભરૂચ : દહેજ એકસાલ ગામ નજીક બે બાઇકને બસ ચાલકે અડફેટે લેતા એકનું મોત નીપજ્યું એકની હાલત ગંભીર.

આજરોજ દહેજ એકસાલ ગામ નજીક બે બાઈક ચાલકને એક બસ ચાલકે અડફેટે લીધા હતા. અજંતા ફાર્મા કંપની નજીકના બસ સ્ટેન્ડ પાસે અકસ્માત સર્જાયો હતો. જેમાં અકસ્માત સર્જાતા બાઇક ચાલક એકનું મોત થયું હતું અને અન્ય એક વ્યક્તિની હાલત ગંભીર છે. અકસ્માત સર્જાતા રાહદરીઓએ 108 ની મદદથી ઇજાગ્રસ્તોને સારવાર હેઠળ ખસેડવામાં આવ્યા હતા.

આજરોજ સવારના સમયે ભરૂચથી દહેજ તરફના એકસાલ ગામ નજીક ગંભીર અકસ્માત સર્જાયો હતો. મળતી માહીતી અનુસાર બે બાઈક ચાલકને એક બસ ચલાકે સ્ટેરીંગ પરથી કાબુ ગુમાવી દેતા અડફેટે લીધા હતા. તે સમયે ગંભીર રીતે જમીન પર પટકાતા બાઈક સવારો પૈકી એકનું ઘટના સ્થળ પર જ મોત નીપજયુ હતું અન્ય એકને માથા અને હાથ પગ સહીત અન્ય ભાગો પર ગંભીર ઈજાઓ પહોંચતા તેને તાત્કાલિક ધોરણે નજીકની હોસ્પિટલમાં સારવાર અર્થે ખસેડવામાં આવ્યો હતો અને થોડી જ ક્ષણોમાં વિસ્તારમાં ભારે ટ્રાફિક જામ સર્જાઈ ગયો હતો.