જંબુસર તાલુકાના નેજા ગામે કલિયારી વિભાગ લેઉવા પાટીદાર સમાજની જનરલ બેઠક યોજવામાં આવી હતી. આ બેઠકમાં કલિયારી સમાજના આગેવાનો વડીલો યુવાનો ઉપસ્થિત રહ્યા હતાં. પ્રથમ બેઠકમાં હાલમાં યોજાયેલી જંબુસર એપીએમસીની ચૂંટણીમાં વિજયી બનેલા ડિરેક્ટર્સનું સન્માન કરવામાં આવ્યું હતુ. બેઠકમાં પ્રમુખની વરણીના મુદ્દા પર ચર્ચા કરવામાં આવી હતી. કલિયારી વિભાગ લેઉવા પાટીદાર સમાજના પ્રમુખ તરીકે સર્વાનુમતે ચંદ્રકાંતભાઈ ચીમનભાઈ પટેલની નિમણુંક કરવામાં આવી હતી. નિણાયેલા નવ નિયુક્ત પ્રમુખ ચંન્દ્રકાંતભાઇ પટેલને સર્વ કલિયારી સમાજે વધાવી લીધા હતા. ભરૂચ જિલ્લા ખોડલધામ સમિતિ કન્વીનર પંકજભાઈ ભુવા એ ચંન્દ્રકાંતભાઇ પટેલને શુભેચ્છા પાઠવી હતી.
ગુલામહુશેન ખત્રી રાજપારડી જિ.ભરૂચ
Advertisement
