લીંબડીનાં ચોરણીયા ગામે ટેમ્પો અને બાઇક અથડાતા એક વ્યક્તિનું ઘટનાસ્થળે મોત.

લીંબડી અમદાવાદ હાઈવે પર ચોરણીયા પાટીયા પાસે બાઈક અને ટેમ્પો અથડાતા અકસ્માત સર્જાયો હતો જેમાં ઘટનાસ્થળે જ એક વ્યક્તિનું કમકમાટીભર્યું મોત નિપજ્યું છે.

મળતી માહિતી અનુસાર લીંબડી અમદાવાદ હાઈવે પર ચોરણિયા પાટિયા નજીક એક આઈસર ટેમ્પો બાઈક પાછળ ઘૂસી જતાં અકસ્માત થયો હતો જેમાં બાઈક પર સવાર બે વ્યક્તિઓ ચોરણીયા ગામના રહેવાસી હોય અકસ્માત સર્જાતા બાઈક સવાર મેહુલભાઈ વશરામભાઈ ઝિંઝુવાડીયાનું ઘટનાસ્થળે જ કમકમાટીભર્યુ મોત થયું હતું તેમજ બાઇકમાં બેઠેલા મેહુલભાઈ રાજેશભાઈ ચૌહાણ ગંભીર રીતે ઘવાયા હોય આથી તેને તાત્કાલીક સારવાર અર્થે હોસ્પિટલે ખસેડવામાં આવ્યા હતા અને ઘટના સ્થળે મોત થયેલ મેહુલભાઈ ઝિંઝુવાડીયાને પોસ્ટ મોર્ટમ અર્થે હોસ્પિટલે ખસેડવામાં આવ્યા છે, અકસ્માતની જાણ થતાં પોલીસને થતાં વધુ તપાસ હાથ ધરી છે.

કલ્પેશ વાઢેર સુરેન્દ્રનગર