ઝઘડીયા તાલુકાના ફુલવાડી ગામે સેનામાંથી ફરજ બજાવી ઘરે આવેલ જવાનનું ગ્રામજનોએ સ્વાગત કર્યુ.

ભરૂચ જિલ્લાના ઝઘડિયા તાલુકાના ફુલવાડી ગામના મૂળ વતની જીતુભાઈ વસાવા આર્મીમાં ફરજ બજાવે છે. તેઓએ લાંબો સમય સેનામાં ફરજ બજાવીને માતૃભૂમિના રક્ષણ માટે જીવનનો મોટો સમય વિતાવ્યો. ૨૧ વર્ષ અને ૪ મહીના જેટલો સમય માતૃભૂમિની સેવા કરી. તેમણે સીઆરપીએફ માં પોતાની દેશ ભક્તિ સાથે ફરજ બજાવી. તેઓ હાલમાં વતન ફુલવાડી પરત આવતા તેની ખુશીમાં ફુલવાડી ગામના આગેવાન નરેન્દ્રભાઈ પટેલ, કુણાલભાઈ પટેલ, કિરણભાઈ પટેલ તેમજ ગામનાં અન્ય વડીલોએ જીતુભાઈ વસાવાનું હ્રદયપૂર્વક ભાવભર્યુ સ્વાગત કર્યુ હતુ. ગ્રામજનોએ પોતાને ઉત્સાહમય આવકાર આપવા બદલ તેમણે સહુનો આભાર માન્યો હતો.

ગુલામહુશેન ખત્રી રાજપારડી જિ.ભરૂચ