અંકલેશ્વરની રાજપીપળા ચોકડી નજીક કન્ટેનર ચાલકે મોપેડને અડફેટે લેતા દંપતીનું મોત.

અંકલેશ્વર રાજપીપળાના સર્વિસ રોડ પર મોપેડ અને કન્ટેનરના ચાલક વચ્ચે ગમખ્વાર અકસ્માત સર્જાતાં મોપેડ પર સવાર દંપતીનું ઘટનાસ્થળે જ મોત નિપજ્યું હતું.

અંકલેશ્વર રાજપીપળા ચોકડી પાસે સર્વિસ રોડ પર તાપી જિલ્લાના સોનગઢ ખાતે રહેતા હીરાલાલ શાહ ઉંમર વર્ષ 45 અને તેમના પત્ની રીટા દેવી શાહ પોતાના મોપેડ પર જઈ રહ્યા હતા તે દરમિયાન સામેના રોડ પરથી પુરપાટ ઝડપે એક કન્ટેનરના ચાલકે બેફિકરાઈથી ટેમ્પો ચલાવતા સામેથી આવતા દંપતીને અડફેટે લેતા દંપતીનું ઘટનાસ્થળે જ કરુણ મોત નિપજ્યું હતું. આ અકસ્માતની જાણ થતાં શહેર પોલીસ તાત્કાલીક ઘટના સ્થળે દોડી ગઈ હતી અને ગુનો નોંધી આગળની તજવીજ હાથ ધરી છે.