સુરેન્દ્રનગર ખાતે આવેલી દર્શન હોટલનાં કંપાઉન્ડમાં પાર્ક કરેલ ખાનગી ટ્રાવેલ્સમાંથી આજે સોનાના દાગીનાની ચોરી થયાનું બહાર આવ્યું છે જેમાં પોલીસે સીસીટીવી ફૂટેજ મેળવી આગળની કાર્યવાહી હાથ ધરી છે.
આ બનાવની મળતી માહિતી મુજબ આજે સવારે રાજકોટના ગ્રીનલેન્ડ ચોકડીથી શૈલેષભાઈ પટોળીયા નામના યુવાને બહાર જવા માટે ખાનગી ટ્રાવેલ્સની બસ પકડી હતી અને તેમની સાથે રૂપિયા 88.55 લાખના સોનાના દાગીના હોય સુરેન્દ્રનગરનું લીંબડી આવતાની સાથે જ ત્યાં આગળ દર્શન હોટેલ ખાતે ખાનગી ટ્રાવેલ્સની બસ ઊભી હતી દરમિયાન દરમિયાન શૈલેષભાઈ ગાડીમાંથી ઉતરીને વોશરૂમ ગયા હતા તે સમયે કોઈ અજાણ્યા શખ્શો ખાનગી ટ્રાવેલ્સમાં પ્રવેશ કરી સોનાના દાગીનાથી ભરેલ થેલાની ચોરી કરી ફરાર થઈ ગયા હતા. આથી પોલીસે અજાણ્યા શખ્સોને શોધી કાઢવા માટે સુરેન્દ્રનગર હાઇવે ઉપર નાકાબંધી કરી અને દર્શન હોટલના સીસીટીવી ફૂટેજના આધારે સોનાના દાગીનાની ચોરી કરનાર અજાણ્યા આરોપીઓને પકડી પાડવાની તજવીજ હાથ ધરી છે.
કલ્પેશ વાઢેર સુરેન્દ્રનગર
