સુરત : કતારગામ વેડ રોડ વિસ્તારમાં દૂધ ચોરી કરનાર શખ્સ સીસીટીવીમાં કેદ.

સુરતમાં દૂધ ચોરોએ આતંક મચાવ્યો છે વહેલી સવારે દૂધની ચોરી કરી નાસી છૂટતા સીસીટીવી કેમેરામાં કેદ થઇ જતા ફૂટેજ સામે આવ્યા છે.

સુરતના કતારગામ વેડ રોડ વિસ્તારમાં નિયમિત દૂધ ચોરોનો આતંક આ વિસ્તારના રહેવાસીઓને પરેશાન કરે છે. રોજ વહેલી સવારે દૂધ ચોરી કરતા શખ્સો દ્વારા દૂધના કેરેટની ચોરી કરી બિંદાસ રીતે ટેમ્પો લઇ નાસી છૂટે છે. આ વિસ્તારમાં નિયમિત પણે ચાલતા દૂધ ચોરીના માફિયાઓથી લોકો હેરાન પરેશાન થઇ ચુક્યા છે. આ સમગ્ર ઘટના સુરતના વેડ રોડ વિસ્તારની છે જ્યાં દૂધ ચોરતા શખ્સ સીસીટીવી કેમેરામાં કેદ થઇ જતા સમગ્ર મામલો સામે આવ્યો છે. આ સીસીટીવી ફૂટેજ સામે આવતાની સાથે જ દૂધ ચોરીથી ત્રસ્ત થઇ ચુકેલા રહેવાસીઓ દ્વારા દૂધ ચોરો સામે આક્રોશ વ્યક્ત કરી દૂધની ચોરી કરનારા લોકો પર કાયદેસરની કાર્યવાહી કરવા અને તેમને ઝડપી પાડવા કવાયત હાથ ધરી છે.