અમદાવાદ: અમદાવાદ સહિત સમગ્ર ગુજરાતમાં સફાઈ અને ટ્રાફિક ઝૂંબેશ પૂરજોશમાં ચાલી રહી છે. ત્યારે ટ્રાફિક નિયમન ભંગ કરતી સામાન્ય જનતાની સાથે સાથે કાયદાની રખેવાળ કરતી પોલીસ પણ રડારમાં આવી છે. આ પોલીસકર્મીઓ કાયદાનું પાલન કરે છે કે નહીં તે જાણવા માટે ગુરુવારે ટ્રાફિક પોલીસે ડ્રાઈવ ગોઠવી હતી. આ ડ્રાઈવમાં કેટલાક પોલીસકર્મીઓ ટ્રાફિક નિયમનનો ભંગ કરતા દેખાયા હતા. ટ્રાફિકની આ ડ્રાઈવ ગાયકવાડ હવેલી ક્રાઈમ બ્રાન્ચ, પોલીસ કમિશનર શાહીબાગ, એલિસબ્રીજ પોલીસ લાઈન અને રાયખડ પોલીસ લાઈન પાસે યોજાઈ હતી જેમાં માત્ર 3 કલાકમાં 53 પોલીસકર્મીઓને દંડ ફટકારવામાં આવ્યો હતો.
સીટ બેલ્ટ અને હેલ્મેટ ન પહેરતા પોલીસના ચલાન ફાડ્યા
ગુરુવારે અમદાવાદના 4 સ્થળો પર ટ્રાફિર પોલીસે ડ્રાઈવ ગોઠવી હતી જેમાં 53 પોલીસકર્મીઓને દંડ ફટકારવામાં આવ્યો હતો. મળતી માહિતી મુજબ બે પોલીસકર્મીઓ સીટબેલ્ટ ન પહેરવા બદલ ગુનો નોંધાયો હતો. ટ્રાફિક નિયમોનો ભંગ કરતી પોલીસ પાસેથી રૂ.5300નો દંડ વસુલવામાં આવ્યો હતો. સીટ બેલ્ટ અને હેલ્મેટ ન પહેરનારા પોલીસકર્મીઓને ચલાન આપવામાં આવ્યું. મોટી સંખ્યામાં પોલીસકર્મીઓને દંડ ફટકાર્યો તેવી આ પહેલી ઘટના છે…સૌજન્ય DB
કાયદાના રખેવાળને જ કરાવ્યું કાયદાનું ભાન, 3 કલાકમાં 53 પોલીસકર્મીઓને દંડ..જાણો વધુ
Advertisement
