અંકલેશ્વરમાં છેલ્લા ચાર વર્ષથી સાથે રહેતા પ્રેમીએ ઘર કંકાસમાં પ્રેમિકાની હત્યા કરી ફરાર થઇ જતા ચકચાર મચી જવા પામી છે

પોલીસ સુત્રીય માહિતી અનુસાર અંકલેશ્વરના હવા મહલ પાછળ ઝુપડપટ્ટીમાં રહેતો ઇમરાનખાન પઠાણ અને  ૨૦ વર્ષીય રેખા વસાવા છેલ્લા ચાર વર્ષથી પ્રેમ સંબંધમાં સાથે રહેતા હતા.આ દરમ્યાન તેઓ વચ્ચે અવારનવાર ઝઘડા થતા રહેતા હતા.ગત રાત્રીના આ ઝઘડાએ ઉગ્ર સ્વરૂપ ધારણ કરતા ઇમરાન પઠાણે તેની પ્રેમિકા રેખાને માથાના ભાગે લાકડાના સપાટા મારતા તેને ગંભીર ઈજા પહોચી હતી.ઈજાગ્રસ્ત રેખાને સારવાર અર્થે અંકલેશ્વરની જયાબહેન મોદી હોસ્પિટલ ખસેડવામાં આવી હતી જ્યાં હાજર તબીબોએ તેને મૃત જાહેર કરી હતી.આ તરફ ઇમરાન પઠાણ ફરાર થઇ ગયો હતો.બનવ અંગે અંકલેશ્વર જીઆઈડીસી પોલીસે આરોપી વિરુદ્ધ હત્યા અને એટ્રોસિટી એક્ટ નો ગુન્હો નોધી તપાસ શરુ કરી છે.અત્રે ઉલ્લેખનીય છે કે આરોપી ઇમરાન પઠાણ આ અગાઉ ૧૮૧ અભયમ મહિલા હેલ્પલાઈનની ટીમ પર હુમલો કરવાના ગુન્હામાં પણ ઝાપાઈ ચુક્યો છે.