વિનોદભાઇ પટેલ
અંકલેશ્વરની રામદેવ કેમીકલ કંપનીમાં બોરમીલમાં મટીરીયલ ચાર્જ કરતી વખતે એક કામદારનો પગ લપસી જતા કામદાર બોરમીલમાં પડતા તેનું મોત નીપજ્યું હતું.અંકલેશ્વર જીઆઇડીસીમાં આવેલ રામદેવ કેમીકલ ઈન્ડસ્ટીઝમાં કામ કરતો 21 વર્ષીય રાહુલ પ્લાન્ટમાં બોરમીલમાં મટીરીયલ ચાર્જ કરી રહ્યો હતો. તે દરમિયાન અચાનક તેનો પગ લપસી જતા તે બોરમીલમાં પડતા નજીક કામ કરતા કામદારો દોડી આવ્યા હતા. રાહુલને બહાર કાઢી કંપની સંચાલકોને જાણ કરતા તેઓ તાત્કાલિક તેને સારવાર અર્થે જયાબેન મોદી હોસ્પીટલમાં ખસેડવામાં આવતા ત્યાંના તબીબોએ રાહુલને મૃત જાહેર કર્યો હતો.આ અંગેની જાણ જીઆઇડીસી પોલીસ મથકમાં કરાતા પોલીસ દોડી આવી તપાસ હાથ ધરી હતી.
Advertisement
