ભરૂચ એલસીબી પોલીસે વીજ ટ્રાન્સફોર્મર ચોરીના ગુનામાં નાસ્તા ફરતા આરોપીની ધરપકડ કરી કાયદેસરની કાર્યવાહી હાથ ધરી.

વિનોદભાઇ પટેલ

પ્રાપ્ત માહિતી અનુસાર ભરૂચ લોકલ ક્રાઈમ બ્રાંચની ટીમ અંકલેશ્વર શહેરમાં પેટ્રોલીંગમાં હતી તે દરમિયાન બાતમી મળી હતી કે વીજ ટ્રાન્સફોર્મર ચોરીના ગુનામાં સંડોવાયેલ આરોપી ભરૂચી નાકા પાસે આવવાનો છે જેવી બાતમીના આધારે પોલીસે વોચ ગોઠવી આંબોલી ગામના હનુમાન ફળિયામાં રહેતા પ્રદીપ ઉર્ફે ટીનો જગદીશભાઈ વસાવાને ઝડપી પાડી તેને અંકલેશ્વર શહેર પોલીસ મથકને હવાલે કર્યો હતો શહેર પોલીસે તેનો કબજો મળેવી વધુ તપાસ હાથ ધરી છે.અત્રે ઉલ્લેખનીય છે કે અંકલેશ્વરમાં થોડા દિવસો પેહલા વીજ ટ્રાન્સફોર્મર ચોરીના બનાવો મોટી સંખ્યામાં બની રહ્યા હતા જેને લીધે ખેડૂતોને અવાર-નવાર તકલીફો પડી રહી હતી અને આ બાબતની પોલીસને જાણ કરવામાં આવી હતી.