વિનોદભાઇ પટેલ
પ્રાપ્ત માહિતી અનુસાર હાંસોટ તાલુકાના કઠોદરા ગામ ખાતે 12 વર્ષીય બાળક રમેશભાઈ ભોળાભાઈ ભરવાડ રોડની સાઈડ પર ચાલી રહ્યો હતો તે દરમિયાન એક અજાણ્યા ફોરવિલ ગાડીએ રિવર્સ લેતા એકાએક 12 વર્ષીય બાળકને અડફેટમાં લીધો હતો અને ફોરવીલ ગાડીનો ડ્રાઇવર ઘટના સ્થળ ઉપરથી ગાડી લઈ ફરાર થઈ ગયો હતો.બાળકને માથાના ભાગે તથા અન્ય જગ્યા ઉપર ગંભીર ઇજા પહોંચવા પામી હતી. ઘટનાની જાણ થતા જ બાળકના પરિવારજનો ઘટનાસ્થળ પર પહોંચી બાળકને સારવાર અર્થે હોસ્પિટલ ખસેડવામાં આવ્યો હતો ત્યાં તેમનું ટૂંકી સારવાર બાદ મોત નીપજ્યું હતું. સમગ્ર ઘટનાની જાણ થતા જ હાસોટ પોલીસે એક્સિડન્ટનો ગુનો નોંધી અજાણ્યા કારચાલકને શોધવાના ચક્રો ગતિમાન કર્યા હતા.પરંતુ ગાડીનો નંબર ના જોવાથી ફોરવીલ ગાડીના ડ્રાઈવરને શોધવામાં ખૂબ જ તકલીફ પડી રહી છે.
Advertisement
