અંકલેશ્વરના કસ્બાતીવાડ વિસ્તારમાં નજીવા મુદ્દે યુવાન પર તેના જ મિત્રએ ચપ્પુ વડે હુમલો કરતા ગંભીર ઈજાઓ પહોંચી હતી.

વિનોદભાઇ પટેલ

પ્રાપ્ત માહિતી અનુસાર મૂળ યુપીના અને હાલ અંકલેશ્વર શહેરના કસ્બાતીવાડ વિસ્તારમાં આવેલ લીમડી ચોકમાં રહેતા ૩૬ વર્ષીય શેરજહાન મહેમુદ રંગરેઝ તેના મિત્ર ઉમ્મીદ અખ્તર રંગરેઝ સાથે ભાડાના મકાનમાં રહે છે.જેઓ વચ્ચે ધંધાના હિશાબ બાબતે માથાકૂટ થઇ હતી જેની રીસ રાખી આવેશમાં આવી ગયેલા ઉમ્મીદ અખ્તર રંગરેઝે શેરજહાનના ગળાના ભાગે ચપ્પુ વડે હુમલો કરતા તેને ગંભીર ઈજાઓ પહોંચી હતી. ઈજાને પગલે ઈજાગ્રસ્તને પ્રથમ અંકલેશ્વરના નગર પાલિકાના દવાખાને લઇ જવામાં આવ્યો હતો જે બાદ વધુ સારવાર અર્થે ભરૂચની સિવિલ હોસ્પિટલ ખાતે ખસેડવામાં આવ્યો હતો. બનાવ અંગે અંકલેશ્વર શહેર પોલીસે ગુનો નોંધી તપાસ હાથ ધરી છે.