અંકલેશ્વર- રોયલ સનાતન ગ્રુપ દ્વારા ગરીબ બાળકોને પુસ્તકો તથા સ્કૂલ ડ્રેસનું વિતરણ કરવામાં આવ્યું….

દિનેશભાઇ અડવાણી

સૌ ભણે સૌ આગળ વધે ના નારાને ધ્યાનમાં રાખી અંકલેશ્વર શહેરમાં રોયલ સનાતન ગ્રુપ દ્વારા અંકલેશ્વર નગર પાટીયા વિસ્તાર પાસે ગરીબ બાળકોને શિક્ષણ અર્થે પુસ્તક તથા સ્કૂલ ડ્રેસનું વિતરણ કરવામાં આવ્યું હતું. જેમાં ખુબ મોટી સંખ્યામાં રોયલ સનાતન ગ્રુપના સભ્યો હાજર રહ્યા હતા. જેમાં વધુમાં વધુ બાળકો ભણીને દેશનું ભવિષ્ય ઉજ્જવળ બનાવે અને ગરીબ બાળકો ભણીને આગળ વધે તેવી શુભકામનાઓ પણ અંકલેશ્વરના રોયલ સનાતન ગ્રુપ દ્વારા બાળકોને આપવામાં આવી હતી.રોયલ સનાતન ગ્રુપ અગાઉ પણ આવા કેટલાક કાર્યમાં પોતાનું યોગદાન આપતા રહ્યા છે અને આપતા રહેશે તેવું પણ રોયલ સનાતન ગ્રુપ દ્વારા જણાવવામાં આવ્યું હતું.