દિનેશભાઇ અડવાણી
પ્રાપ્ત માહિતી અનુસાર ગત તારીખ-૨૬મી જૂના ના રોજ અંકલેશ્વરના ગડખોલ પાટિયા સ્થિત એકતાનગર સોસાયટીમાં રહેતા ગણેશભાઈ કાન્તાપ્રસાદ ગુર્જર પોતાના ઘરમાં સુઈ ગયા હતા તે દરમિયાન રાત્રે તસ્કરોએ તેઓના ઘરને નિશાન બનાવી એક લેપટોપ અને ત્રણ મોબાઈલની ચોરી કરી ફરાર થઇ ગયા હતા. ચોરીના ગુના અંગે તેઓએ અંકલેશ્વર શહેર પોલીસ મથકે ફરિયાદ નોંધાવી હતી. તે દરમિયાન બાતમીના આધારે ભરૂચ એલસીબી પોલીસે ગડખોલ પાટિયા પાસેથી એક કિશોર અને રાજપીપળા રોડ ઉપર આવેલ ક્રિષ્ના પાર્ક સોસાયટીમાં રહેતા ગૌરવ યુવરાજ પાટીલને ઝડપી પાડી બંનેની પૂછપરછ કરતા તેઓએ એકતાનગરમાંથી લેપટોપ અને ફોનની ચોરી કરી હોવાની કબુલાત કરતા પોલીસે બંનેની અટકાયત કરી ઘરફોડ ચોરીનો ભેદ ઉકેલી એક ફોન, એક લેપટોપ મળી કુલ રૂપિયા ૪૫ હજારનો મુદ્દામાલ રીકવર કરી ઝડપાયેલા બંને ઇસમોને શહેર પોલીસને હવાલે કર્યા હતા.
